لالالالالا
بلاش أنا دلوقتي مش عايز أقلبها نكد
..............
عموما يا رومي
أنسي الي فات وإبدائي صفحه جديد

صعب اوى تنسي اول حب فحياتك خصوصا اما يكون اودام عنيك وكل يوم بتشوفه
وعنيك تتملى دموع ويبقا نفسك فيوم يرجعلك

معاكى حق يا روميساء اول حب بيبقى صعب اوى

بس احلى حاجه انك تبدأى صفحه جديده

لا يا كيمو يا حبيبي
انت وعدت
ووعد الحر دين علية

والله قلبتى المواجع علينا يا روميساء والظاهر اننا بنواسى بعض على حاجة حصلتلنا احنا كمان
عموما المفروض انك تحاولى تبدأى من جديد وتنسى لان مفيش غير كده
وصدقينى لو حبيبك جالك وقالك نرجع لبعض تانى هترفضى رغم الحب الكبير

اية هو كلكو جبنة كدة انا هاحكى اية يعنى انا كنت فى سنة اولى الكلام دة من اربع سنين المهم شفت واحدة عجبتنى اوى يمكن عشان الاستيل بتعها جامد وبعدين اتعرفت عليها عن طريق واحدة زميلتى وبعدين ارتبطنا كانت اول حب اسمها امانى وبعدين ارتباطنا لمدة اسبوع كنت بحبها بجد وبعدين رايح الكلية الصبح لقتها ماسكة فى ايد واحد وماشين مع بعض وبيلهم بيحبو بعض اوى رحت رايح مسلم عليها وعلية وماشى بعديها بيومين لقيت الولد دة جاى وبيقولى انها بتاعت حورات وانا هاخدلك حقك وانا اسف المهم عشان ماطولش وتكرهونى عشان الى عاملتوة فيها انا هقولكو النتيجة البت دى مابتنزلش من بتها حتى الان عاشان وبتتصل بية لحد دلوقت وبتتحايل علية وبتقولى كفاية لو مش مصدقنى اسالو صبرى اخويا

ياجماعة انا مرتبط الان بواحدة بحبها اوى ادعولى عشان اكمل معهابس بجد هى الحب الحقيقى

يارب تكمل معاها
واحنا مصدقينك طبعا يا عم

ربنا يوفقكوا و تكملوا ان شاء الله وتعزمنا على الفرح

انا عايز اسمع قصص الحب بتعتكو انا حكيت عالشان اشجعكو

يلا أنا هحكي وأمري لله ...............
بس أنا بجد مش عارف أبدا منين القصه طويله قوي دي كانت حب خمس سنين
يعني
.........................
في يوم من الأيام تقريباًِ من خمس سنين ومع نزول شريط كاظم الساهر حافيه القدمين كنت لسه سامع الشريط طبعاً وأنا كنت واقف قدام بيتنا مع واحد صحبي
فجاءه عدت وحده خطفتني معاها وكنت بشرب بيبسي كنز ولسه فاتح العلبه
رحت سأل صحبي مين دي ..؟ ورحت رامي العلبه واريا خبطت في دماغ واحد جاري
ويا عيني أتغرق .... أنا أنشغلت مع المصاب ونسيت البنت أصلاً
طبعاً الناس الي ماشا في الشارع كلها وقفت تتفرج واحد واقف يجرص فيا بعلو صوته
وأنا و أحمد صحبي مش عارفين نمسك نفسنا من الضحك .......... عد اليوم ده من غير ما يقولي عنها حاجه وأنا أصلاً نسيت الموضوع ...........................................
مره تانيه كنت ماشي مع نفس المصيبه الي أنا ماشي معاه ..........
وقبلتها كانت بتبضع من السوبر ماركت ...... طبعاً من غير ما أدي أنزار رحت داخل
السوبر ماركت و داخل علي الراجل وواقف قدامه وهيا لسه جوه فسألني
طلباتك ....... طبعاً أنا مكنتش عامل حساب السؤال ده ! رحت رادد عليه وقولتله أي حاجه مفيده ....... لقيتها راحت أبتسمت أبتسامه لغايه دلوقتي فاكرها .....!
المهم المصيبه الي معايا راح ضاحك وخلاني في نص هدومي .........................
وهيا حسبت ومشيت كانت شريه يوميها كميه شيكولاته كتير قوي
رحت أنا سيب بقي المحل وماشي وطبعاً أحمد عمل نفسه بيشتري عشان
تقريباً كان خايف من البقال ليضربه ...........>
المهم أنا عرفت بيتها طبعاً....................................................................
وعدت الأيام وأنا كل يوم بتعلق بيها أكتر ....
و رحت عامل حركه عبيطه خالص ..... رحت خبط علي باب شقتها وأعمل نفسي
بسأل علي أي أسم ..... المهم فتحت وحده كبيره فأنا رحت قيلها أيه يا حاجه الي قومك من السرير بس..........قعدت تشكيلي الحال و سألتها محمد موجود قالتلي لسه نازل والله يا بني ... رحت قيلها ( الحمد لله ) ورحت سيبها و ماشي
ورحت أنا شغلت جهاز المخبرات وعرفت أسمها وفي سنه كام ( أصغر مني بسنه )
مش دي المشكله....... المشكله أن ليها أخين و أعرفهم شكلاً يعني
المهم أنا جبت تليفون بيتهم من واحده (لأن أنا لاكان معايا موبيل ولا هيا )
بعدين رحت متصل ... أختها ردت عليا مخلي صحبي يقلد صوت بنت ولما كلمته أداني التليفون
أنا طبعاً كرت بغباء في الكلام وهيا بقي قلتلي أنا هطلب منك طلب واحد
قولتلها لو طلبتي عنيا راحت قيالي ...... لو سمحت متتصلش ولا تحاول تكلمني تاني
وبعديها سمعت حاجه غريبه كده الله أعلم إن السكه أتقفل في وشي
كان شكلي وحيش ...................................
المهم أنا الموقف ده خلاني أعجب بيها أكتر ......................................................
المهم أنا كلمتها تاني ( بعديها بفتره ....! ) طبعاً كانت فتره تسبيل وعين في العين
طبعاً أنا لقيتها بدأت تاخد بالها رحت مكلمها ........................
ظبت الكلام وطبعاً مشت الحياه عادي بقي .....
لحد ما حصل مشكله عندها في البيت و طبعاً بعدنا عن بعض شويه
يعني كنا بتعرف أخبار بعض ...................................................................
زي أغنيه نجات
لنفترق قليلاً
من أجل هذا الحب
بعد كده رجعت الميه لمجاريه وحسيت إن روحي رجعتلي تاني ...........

وأكتر كلام أنا فاكره ليها ....
كانت بتقولي أنا عمري ما أتخيل إني أعيش من غيرك أنا ممكن أموت نفسي لو بعدت عني .......................
وياه وهيا بتقولي كلمه حبيبي ( كانت أيام سوده )
ومن قيمه 6 شهور كده حصلت خلاف ما بينا طبعاً كل واحد ركب دماغه ....
بس طبعاً وصلنا لحل دبلوماسي للموضوع .......... وعدي بدون إراقه للدماء
جت في مره كنا مختلفينا علي صحبها في الكليه .......................................
وأنا الموضوع معايا كان مسأله كرامه وكبرياء..........................................
المهم هيا طبعاً نشفت دماغها
خلصنا الموضوع بحل وسط أننا نبعد عن بعض بتاع أسبوع كده .......
لحد ما أعصبنا تهدي شويه .........................................................................
هيا طبعاً أرتاحت قوي وع الأخر ............
فلأول مره كانت تحط حل لمشكله حصلت في حياتها
كان حل سياسي ( إن إحنا مينفعش نكمل مع بعض)
طبعاً أنا قولتلها
عايزك تعرفي إن عمرك ما هتقبلي حد يخاف عليكي ولا يحبك زي
وعمرك ما هتلاقي أحن مني عليكي .......
ورحت قيلها خلي بالك من نفسك ورحت قافل السكه
وكانت دي أخر مره أكلمها فيها ,,,,,,,,,,,,,,,,,,,,,,,,,,,,,,,,,,,,,,,,,
طبعاً أنا قفلت السكه وقلت لنفسي أنا مش فاهم حاجه أكيد فيه حاجه غلط.......
بعد كده فهمت إن زي ما فيه حب في لحظه فيه خيانه في لحظه
وكنت لسه سامع شريط كاظم الساهر ( يوميات رجل مهزوم )

العالم الله بقي شريط كاظم الجاي مخبيلي أيه ..................؟
أنا متوقع أسمه ( رجل بلا حب)


بس علي العموم أنا في الأخر نسيتها بس منسيتش زكرياتي معاها لأن دي الخمس
سنين الي أنا فاكرهم في حياتي غير كده كنت لسه صغير مش فاكر حاجه
حي أنا أخر مره قابلتها محستش بحاجه لا فرحان ولا زعلان

وأنا كده خلصت حكايتي ومش عايز حد يواسيني لاني عادي


و عايز بقي أسمع مك يا بلاك يا مدبسني

هااااااااى انا عضو جديد وياريت تقبلونى كا صديق
والموضوع ده هو اللى خلانى اشترك ف المنتدى بجد
وفعلاا موضوع جامد جداا وجديد ف نفس الوقت لانى اول مره اشوفه
بس اعفوانى انى احكى ههههههه خلى اللى ف القلب ف القلب هههههههه

خلاص ياجماعة سيبوا صبرى فى حالة يمكن حاجة صعبة وخايف يقولها

صبرى يحكى
ههههههههههههه