احنا فرصة ما تتعوضش!

من طرف **sabry** في السبت 12 أبريل 2008, 3:16 pm

مما لا شك فيه تضاعف عدد النساء فى الفترة الأخيرة بدرجة كبيرة

حيث اصبح عدد البنات يفوق عدد الشباب بمراحل

وقد افصح البعض عن انه مستقبلا سيجبر كل شاب على الزواج من اربعة بنات

لمواجهة الزيادة الرهيبة فى معدلات البنات

ومن هذا المنطلق فقد وضعت كل فتاة نصب اعينها ان الشاب الذى تعرفه

لابد من التمسك به ومحاولة ارضاءه لعله يتزوجها يوما ما

خوفا من ان يفوتها قطار الزواج فاصبح الشاب الذى تعرفه البنت الأن

فرصة ما تتعوضش!

وقد حدث لى موقف شخصى منذ أيام يثبت صحة ما أقول

كنت راكب مشروع جنب بنت وده شئ عادى بيتكرر كتير

المهم انى حسيت ان البنت قاعده جنبى فيها حاجة غريبة

المهم قلت ادوس معاها وأظبط يمكن

كلمة فى التانية اسمها نادية ورقم موبايلها.......

وقتها موبايلى كان فاصل شحن فقلتلها ابقى رنى عليا بالليل

وبالليل لقيتها بترن عليا وقفلت رحت بدورى رنيت عليها

ولقيت بدورها جنات بتقول بحبك يا حبيبى اكم

ولسه رنتى ما كملتش ولقيتها بتفتح عليا

كان وقتها نفسى اشتمها بس قلت بلاش

كان كل همى فى المكالمة ان اقفل قبل الدقيقة التانية!

قعدت ترغى ياما كده وكان نفسى اقفل فى وشها

قلتلها امال ايه الكول تون الجامد ده

قلتلى عجبك

قلتلها اااااااااااااااه

قلتلى اصل انا لسه حاطاه دلوقتى!!!

المهم قلتلها خلاص بأه مش عايزه حاجة قالتلى أه عايزه أقولك حاجة

ما ترنش عليا الا لو انا رنيت عليك عشان بابا بياخد موبايلى!!!

كان نفسى اشتم

انا مالى ومالك انتى وابوك

وبعد المكالمة الحلوة دى قررت انى اسيف نمرتها لسبب واحد

عشان لما ترن اعرف ان هى واطنش

ومن يوميها كل يوم ترن عليا وانا ولا كأنى موجود

بصراحة البنات بأت مشكلة كبيرة

والى اللقاء مع فضيحة أخرى للبنات

من طرف **كلمة** في السبت 12 أبريل 2008, 3:28 pm

هههههههههههههههههههههههه

يا نهار ابيض على البنات
كائنات عجيبه يا راجل
و غريبه
و رهيبه

lov

من طرف **black knight** في السبت 12 أبريل 2008, 3:38 pm

اه والله اديكي اعترفتي بنفسك يا كلمة

الحقيقة بتظهر اهو

ولا يا صبري
ماتديني رقم البت دي يمكن اظبطها انا

هيا حلوة؟؟؟

من طرف **سمسم باشا** في السبت 12 أبريل 2008, 3:48 pm

من طرف **كلمة** في السبت 12 أبريل 2008, 3:58 pm

يا جماعه فين الشباب اللى كانوا بيعتبروا البنت دى زى اختهم و ميرضوش يبصوا لها حتى
لا توصل لرقم الموبايل و بسرعه كدا و فى المشروع كمان
؟؟؟؟؟؟؟؟؟؟؟؟؟؟

الف سلامه على الشباب

من طرف **سمسم باشا** في السبت 12 أبريل 2008, 4:05 pm

فعلاااااااااا

من طرف **sabry** في السبت 12 أبريل 2008, 4:39 pm

ايه ده يا كلمة العيب عليها هى هى لو كانت بنت كويسة مكانتش اديتنى رقم موبايلها
يا اختى هى اللى كانت عايزة تتكلم

بلاك لو عايز النمرة انا ما عنديش مانع بس هى مش البنت اللى هى يعنى

سمسم معلش يا حبيبى وادى حال الدنيا هنعمل ايه

من طرف **كلمة** في السبت 12 أبريل 2008, 8:58 pm

بص يا صبرى اولا الوم مش عليها بجد دا عشان بنت هنحاز ليها لا بالعكس
اللوم عليك انت عشان انت من الاول لقيتها كدا سمحت لها تكمل و استجبت معاها اما لو كنت معملتش حاجه ولا كأنك واخد بالك كانت لمت نفسها
دا عيبك انت مش هى
وكمان انت لو مكنتش عايز تكلم بنات و تعمل علاقات مكنتش هتكلمها و توصل لموبايلات اما انت من جواك عايز تكلم و تعمل علاقات

بس دا رأيى

من طرف **black knight** في الأحد 13 أبريل 2008, 2:03 am

يالهوي يا صبري دي ضيعتك
طلعت بتاع علاقات وبتاع

انا بردو عايز الرقم Twisted Evil

من طرف **omry_amir** في الأحد 13 أبريل 2008, 5:20 am

ههههههههههههههههههههههههههههههههههههههههههههههههههه
والله العظيم انت مشكله يا صبرى والله العظيم
تعرف انا حصلى الحوار ده والله بس مش فى مشروع ده كان فى اتوبيس كنت لسه مطلع رخصه السواقه وراجع من المدريه ملقتش غير اتوبيس ركبت المهم انا وواحد صحبى وقعدنا على الكراسى خير اللهم اجعله خير بنتبن جم وقفوا جنبى وكل شويه تخبطنى بالاسكتش وانا اعمل نفسى محترم واقول علشان فى ناس فى الاتوبيس
وبعدين لقيت صحبتها بتقولها ما تديله الاسكتش يمسكه بصتلها بفرق كنت عايز اقولها هو انا خدام ابوكى بس مسكت نفسى وعملت نفسى محترم ههههههههههه المهم اخت الالسكتش واتعرفت يا معلم وطلعوا من تجاره عربى المجمع سنه اولى ولقتها اخدت موبايلى وسيفت نمرتها ورنت على نفسها من موبايلى اول ما نزلت لقتها بتتصل بتقولى وحشتنى او بجد انا عايزه اشوفك تانى وان شاء الله تنزل المجمع ومن ساعتها وانا حرمت اركب اتوبيسات او انزل المجمع ههههههههههههههههه كان يوم والله ميتعوضش

من طرف **omry_amir** في الأحد 13 أبريل 2008, 5:23 am

يا صبرى يا بتاع العلاقات كله بيحسدك دلوقتى يا برنس اهدى يا عم بلاك انت وسمسم احنا شباب زى بعضينا وانا وصحبى على الغريب ولا ايه الكلام

من طرف **black knight** في الأحد 13 أبريل 2008, 6:38 am

وانت كمان يا امير
انا عايز الرقم
bounce

من طرف **sabry** في الأحد 13 أبريل 2008, 9:51 pm

اولا يا كلمة انا بحترم رأيك جدا بس انا والحمد لله بتعامل مع البنات
اللى اعرفها على انهم أخواتى مش أكتر من كده دى حاجة
الحاجة التانية انى لما نزلت من المشروع سلمت عليها على اساس انى همشى
مش فى دماغى حاجة فقلتلها ابقى خلينا نشوفك تانى بهزار
لقيتها بتقولى طيب وانا هشوفك تانى ازاى صدفة برضه ولا ايه
مكانش فى غير رد واحد خدى نمرة تليفونى
هى اللى كانت عايزاها بس بتطلبها بالزوق
وبعدين انا لو كنت عايز اشوفها تانى كنت رديت عليها لما تتصل بيا
او كنت فرحت لما فتحت عليا وانا برن عليها
عموما ليك الحق انك تقولى رأيك بكل صراحة وشكرا على صراحتك
يا أختى

من طرف **sabry** في الأحد 13 أبريل 2008, 9:54 pm

امير حبيبى يحسدونى على ايه بس وبعدين م انت البنات بتاعكسك فى كل حتة
وطبعا انا وصاحبى على اصحابى

بلاك حبيبى عايز النمرة

بعينك
Laughing

من طرف **black knight** في الأحد 13 أبريل 2008, 11:18 pm

يبقى البت حلوة وانت مزبط معاها يا صبورتي
هنيالك يا عم

من طرف **omry_amir** في الإثنين 14 أبريل 2008, 4:25 am

الله يسهلوووووووووووووووووووووووووووووووووووووووووا يا صبرررررررررررى
ربنا يوقفلك المشريع يااااااارب ويكون كرسى فاضى جنب ........... ههههههههههههههههههههههههه

من طرف **sabry** في الثلاثاء 15 أبريل 2008, 12:09 pm

بطلوا قر وحسد بقى خليكوا نضاف من جوه كده زيى
Laughing

من طرف anaba7bk في السبت 19 أبريل 2008, 6:05 am

والنبي حد يديني رقم أي حد
وأنا مع كلمه في كل كلمه
يعني المفروض البنت الحلوه تعاملها زي أختك
والبنت الوحشه تعاملها زي أخوك
دا قدام الناس يعني
أما في غير أوقات الزروه فكك من الكلام ده خالص
ولا كانك تعرفني ولا كأن كلمه قالت حاجه

أنا الموقف الي حصلي إني أتعرفت على واحده زي أخويا
والحمد لله لم أسمح لنفسي إن العلاقه تتطور
أنا الموصله كانت طويله ( مصر - أسكندريه ) الصحراوي
فأنا كنت عايز أي حد أكلمه في أي موضوع خصوصاً إن البطيخه الي كان معايا كان نايم بعد يوم شاق شوفت فيه العذاب .....
وكانت دي أخر معرفه المكروباصات

من طرف **black knight** في السبت 19 أبريل 2008, 1:08 pm

ههههههههههههه
تعيش وتركب غيرها

من طرف **sabry** في الإثنين 21 أبريل 2008, 5:03 pm

ههههههههههههههههه
يخرب عقلك يا كريم
ايوه كده انت ميه ميه
وربنا يحنن عليك يا بنى

من طرف نوراامورا في الأحد 17 أغسطس 2008, 3:59 pm

ربنا يشفى انتى يا صبرى وكل اللى زيك
دى واحده عايزه تتسلى خلاص بقت فضاااااااااااايح البنات
تحب اقولك انا بقا على فضايح الصبيان
حشيش بنجو نسوان حاجه تقرف
وطوز فى كل اللى يقول على البنات حاجه وحشه
ده احنا عسل
ولو حرقك النوص جنيه حق المكالمه ابقا خدوا منى واهبط

من طرف **lovelyking** في الأحد 17 أغسطس 2008, 8:52 pm

على فكرة يا جماعه شهادة حق... صبري في بنات بتتحايل عليه عشان يسجلها عنده واحيانا بيرضى عشان ميكسفهومش ويحبطوا... وبعدين رقم صبري يعتبر من 30 رقم معروفين في جمهورية مصر العربية ومفيش عليه اي لوم