بحبكوا موووووووووووووووووووت

عارفين يا جماعه انا اكتر حاجه بحبها فى المنتدى بتعنا انى بحس ان كلنا روح واحده وكلنا بنحب بعض وبنشجع بعض فى الصح
وكمان انا لما بكون مضايقه او مخنوقه اول ما بدخل المنتدى واقراء فيه بنسى كل حاجه وبحس انى عملت ريستارت او ريفرش لنفسى وده بجد يا جماعه من غير مبالغه
ولو مكنش الكمبيوتر بايظ كنت زمانى قاعده على قلبكوا كل يوم
وكنت عايزه اقلكوا حاجه وتقلولى اعمل ايه انا عندى مشكله كبيره
يا جماعه انا عصبيه جدا بس والله انا مش بتعصب على طول وده بيتوقف على الشخص اللى قدامى
بس فى النهايه مبستحملش وبتعص وتنرفز وممكن اقول كلام يضايق اللى قدامى ويزعله منى
بس والله بيبقى غصب عنى وكل ما حاول ابقى بارده وهاديه شويه مبعرفش
ولو قدرت اكتم فى نفسى بتعب اوى ومفيش حاجه بتطاعنى من اللى انا فيه غير لما اتكلم وافضفض واحس ان اللى قدامى حاسس بيه ومقدر اللى انا فيه
ممكن لو سمحتوا تساعونى وتقلولى اعمل ايه نفسى ابقى بارده

متخفيش يا أيموشن
أحنا هنسمعك
بس موضوع تبقي بارده
فأنا هقولك علي حاجات بعملها
يعني مثلاً واحد صحبي نرفزني .... أنا بخليه يمشي من وشي قبل ما أموته لأني عصبي جداً

بس يعني بعرف أتحكم في نفسي ..............................................

يابنتي احنا بنبقى فرحانين لما بتتكلمى معانا
وبعدين مين فينا مش عصبي
بس هيا النسب بتختلف
انا بقى بردة عصبي كتيير اوي
وبتخانق بردة بس مش كتير
بس لو خناقة جامدة يعني
الجري نص الجدعنة
صحيح انة انا بكون متسسب فيها بعصبيتي
بس اعمل اية

فكرى فى اى حاجه تانيه

لان الانفعال والعصبية الزايدة لها اضرار بجد فظيعه زى مثلا
سرعة ضربات القلب و زياده فى سرعة التنفس
و ارتفاع ضغط دم و زيادة السكر فى الدم
اما اخطر حاجه بجد هى دى ان الدم بيتحول من المعده والامعاء الى المخ والعضلات
قادرين تتخيلوا لما تتنرفزوا اوى وتتعصبوا بيحصل ايه؟؟؟؟؟؟؟؟؟؟

فى دراسات بتقول ان الاشخاص الاسوياء هم اللى بيتميزوا بقدرتهم فى التحكم فى انفعالاتهم
اما الغير اسوياء(احنا) هم لايتحملون انفعالاتهم و يؤدى ذلك الى امراض نفسية جسمية

بجد فكرى فى اى حاجه تانيه تبعدك عن لحظة الانفعال والعصبية

فى الاخر صدقينى محدش يستاهل
انك تتعبى له و يحصلك كل دا

دا رأيى

ايمو حبيبتى اللى مشوفتهاش
بصي يا قمر
انا بردو عصبية جدا
بس انا لاقيت حل لمشكلتى
انى بقيت عصبية مضحكة
متعرفيش ازاى
يعنى بتنرفز وبضحك اللى اودامى
هههههههههههههههههههههههه
والحمد لله المواضيعى بتعدي
حاولى تخلى الابتسامة فوشك
وتشيلى العصبية من مخك

ميرسى ليكوا يا جماعه وهجرب واقلكوا

ايموشن اللى غايبة عننا من زمان عايز اقولك ان العصبية فينا كلنا
بس فى اللى بيعرف يتمالك نفسه قدام الناس وفى اللى بيطلعها على اللى قدامه
انا النهارده والله حصلى موقف من ناس اصحابى عشان ما اطولش فى الكلام
الموقف يضايق وينرفز بس انا مسكت نفسى وبدأت أرد عليهم واحد واحد
وطبعا لو كنت اتنرفزت واتعصبت ماكنتش هعرف ارد
خلاصة الكلام اوعى تسمحى لنفسك انك تتعصبى لاى سبب قدام اى حد
عشان فى ناس كتير ممكن تفرح فيكى لما يشوفوكى متنرفزه

حاولي ترجعي كل حاجه للعقل وانتي مش حتتنرفزي