حجات بتحسسني بوجع و ألم
xXx
لما تكون نيتك غدر وتقابلني بإبتسامه
.........
لما أرجع لوره مع إن سكتي لقدام
...........
لما حد يوسيني بكلمه مكنش لازم.....؟
..........
لما أكون عارف حقيقتك وتيجي تمثل عليا
.........
لما بعد الوقت دا كله أكتشف بالصدفه إنك متستهليش لحظه معايا
........
لما ألاقي أن فحياتي
كل الي كسبته معاكي ( ولا حاجه ) وإني خسرت كل حاجه
كل الي أخدته منك ( ولا حاجه ) مع إني إديتك كل حاجه
..........
لما احسب عمري معاكي ... ألقي أنا معشتش معاكي لحظه
..........................................................................................................


حجات مستحيل هتعرفيها إلا لما أقولهالك
xXx
أنا كدبت عليكي كتير ... بس عشان مأجرحكيش
.........
أنا عمري ما حلمت بيكي ... بس كنتي علي طول علي بالي
.........
أنا كنت سعات بغلط في حقك ... بس كنت بعتزرلك وعمري ما أتكبرت علي أعتزاري
.......
أنا كنت سعات ببقي عصبي .... بس إنتي كنتي بتهديني
........

عارفه فيه حجات ياما أختلفت فيا عارفه هيا أيه
مبقيتش أكدب .... عشان مبخفش من الحقيقه لو هتموت حد
بالي مرتاح .... عشان مفيش حاجه تستاهل تشغلني عليها
مبقيتش بغلط في حقك .... عشان مهما عملت ملكيش حق تلوميني
بطلت أبقي عصبي ... عشان عارف إني مش هلاقي حد يهديني

...............................................................................................................................

حجات بتفرحني
xXx
لما أشوف أتنين بيحبوا بعض
......
لما أعمل حاجه تفرح حد
......
لما أقول الحق
.....
لما حد يغلط ويعترف بغلطه
.....
لما أشوف أتنين بيحترموا بعض
....
لما ألاقي حد بيخاف عليا

..................................................................................................................................

حجات بتقسي قلبي
xXx
لما أشوفك مستعده تتنازلي عن أي حاجه عشان كلمه سماح
........
لما تتهوي في الدنيا وتعرفي إن محدش حبك غيري
........
لما الي حوليكي يسبوكي واحد ورا واحد ومتلقيش صورتي قدامك
........
لما متلاقيش حد يكلمك عن غلطك .. وتقولي فين أيامك
......
لما تكوني قدامي ونفسك أمد أيدي أسلم عليكي
......
لما تحولي تمثلي دور المقتوله .. والسكينه في أيدك
......
لما تنادي عليا وأنا مأردش عليكي
...........
كل ده رغم أنك بتصعبي عليا ... رغم أنه بيقوي أو بيقسي قلبي عليك
بالضبط زي ما جرحي حسسك أنك أنسانه قويه تعرف تجرح ... بالضبط زي ماجرحي حسسني
أنك مش أنسانه ومتستهليش حنيه
زي ما جرحي رسم علي وشك أبتسامه .... زي ما أبتسمتك خلتني أداوي نفسي
ولو كنتي فعلاً بالقوه الي أنتي شيفها ... أقوي قلبك شويه وحولي تنسيني دقيقه ولا أقولك كفايه لحظه


أعتراف .....
xXX
زي ما كنت بقولك إني حبي ليكي يكفي الدنيا .... زي ما أنا بدعي أنه يكفي أنسانه أكبر من الدنيا
...............................
زي ما كنت بقولك يا كل حاجه ..... زي ما دلوقتي هقولك يا ولا حاجه

ايه يامعلم ده كلوااااااااااااا ده انت شايل ومخبى كتيررررررررررررررر فكها يا عم مش مستاهله والله الدنيا فونيا والزمن كباس

يا عم أنا هفكها أكتر من كده أيه ......
علي يدك ......
دا أنا و أعوذوا بالله من كلمه أنا ....... ولا أقلك بلاش

عارف ياكريم ايه الى عجبنى فى الشخبطه دى ان انت عارف كل حاجه ايه الى بيفرحك وايه الى بيزعلك وكمان بتعترف بالغلط الى عملته والحاجات الى مبتحبشس تعملها
بجد صعبه الحاجات دى ان الواحد يعرفها
وخلاص بقى فكها ياكيمو فكها اكتر من كده شويه

رحم الله إمراءٍ عرف قدر نفسه
ومرسي يا ميرو علي الكلام الحلو ده
وانا لوفكتها أكتر من كده هتبقي سداح مداح

أيه يا تريكا أنت ناوي تقتلني
وتنزل التوبك بتاعي في كتاب
هو ده الحل الوحيد الي يخلي الموضوع بتاعي أسطوره
( القاتل ينشر كتاب للضحيه )
وتلاقي عم حسن ماش بالجرايد أقرا الحادثه بتاعه منتدي سابا باشا

لا يا أبو تريكه أنا لسه مدخلتش دنيا
يعني لو مصرتعمل كده .... أجل الموضوع ده شويه
يا باشا وانا فداك بعدها