بجد يا فتافيت انا المسلسل ده مش عارف ماله كل ما اكلم حد يقولى معلش علشان رايح اتفرح على نور ومهند الصراحه الحق يتقال احلى ما فى المسلسل هو نور وابنه الوله يتاكل اكل بس مش للدرجه ان كل الناس تقعد تتفرج عليه ليه يعنى انا عندى فى البيت بيتفرجوا عليه كل شويه ولما بتعاد كمان انا مشوفتش غير حلق منه لما فتحت المعرض بتاعها اللى معرفش اسمها ايه بس انا عايز اعرف هو فيه ايه علشان يشد الناس كده ؟

انا بردة مشفتش المسلسل دة بس زى ما انت بتقول مش عرفة هو شادد الناس على اة

بس الكلام المكتوب عن البطل من مجالات فرنسية وفاضيحة فى تركيا مالية الدنيا

المسلسل اصلا من ناجحاش فى تركيا من فضايح البطل

مبن مهند اللى بتتكلموا عليه ده
وايه مسلسل نور
انا سمعت عن المسلسل كاسم بس مش اكتر من كده
بس ليه تفضحى الراجل كده يا فتافيت
ان الله حليم ستار

انا اصلا اول مرة اسمع ومشفتهوششششششش

انا مشفتهوش ومش عايزة اشوفة

متشوفيش وحش يا فرح واحسن انك مشوفتهوش يا بوسبوس انا اول مره اشوف مسلسل 200 حلقه والحلقه بتقعد ساااااااااعه مين الى دماغه فاضيه قعد يكتب فى المسلسل ده ده شكله عاش طول عمره يكتب فيه قبل ما يموت بلا وجع دمااااااااااغ

ازيكم كلكم

على رائيك يا امير بلا وجع دماغ

وانا بردة مشفتش منة الا مشاهد بسيطة

بس بينى وبينكم الواد دة قمرررررررررررررررررررر واللهى

صح يامير كلامى ولااية بلا وجع دماغ

عيب يا بنت انتى قمر ايه وكلام فاضى ايه
مفيش احسن من البطلة
ولو انى معرفش مين البطلة

ياااااااااه انتوا صدمتونىىىىىىىىىى انا بتفرج عليه دلوقتى والله يا جماعة المسلسل خطيييييييييير بس انا ماكنتش اعرف ان مهند كدة و على فكرة هو 154 حلقة
بس ازاى مهند كدة وهم كل شوية بيقولو ا استغفر الله و فى بطلة من المسلسل بتصلى
صلاتنا وشوفتها وهيا بتقرا الفاتحة ونور قالت مرة اقسم بالله مش عارفه بء بس والله المسلسل فوق التحفة

انا مش عرفه بس يا كيتى ده كلام مسلسلات وكمان انا مش بسدء اوى الاشعات او ال مفيش زى لما تامر خرج من السجن وجبوه مع واحجده متصور على اساس انها خطبته وألفوا حكايا توروايات على الموضوع ده

والله انا بيعجبني في المسلسل نور وألما بنت دانا
حته بنت صغيره بس عسوله

لكن بجد بجد المسلسل مش مستاهل خالص الضجه اللي معموله عليه

انا ممكن عشان بحب المسلسلات المدبلجه اصلا واتفرجت علي كام مسلسل قبل كده بس كان ليهم قصه بجد عشان كده كنت بستمتع بمشاهدتهم

لكن المسلسل ده كله داير علي حته مهند بيحب نور ونور بتحب مهند.... بس مفيش قصه تانيه

يمكن عشان اول مسلسل مدبلج الناس كلها تتابعه كده فحسين بالاختلاف عن النمط العربي

انا قريت في الجرنال ان المسلسل ده تسبب في عدة حالات طلاق كل الرجاله عايزين واحده زي نور وكل البنات عايزين زي مهند

علي ايه مش عارفه ده تمثيل يا جماعه
طبعا دي حاجه توضح اننا شعب مفتقد وجود الحب الاسري عشان كده مسلسل زي ده اثر بالشكل ده

علي فكره يا فرح ويا كيتي زياده عن اللي قولتوه تقريبا هما اصلا مسلمين لان تركيا اغلبها مسلميين

وبعدين هما يعني ما دام بيقولوا الكلام ده يبقوا تقيين اوي

انا كنت باخد كورس صحافه وكان في محاضر ضمن المحاضرين مسيحي كان كل كلامه صلوا علي النبي... وما شاء الله ...ولا حول ولا قوه الا بالله ....لا اله الا الله
والله انا كنت مستغربه جدا بس قلت يلا هو الكلام عليه ضريبه


المهم بقي ان مهند ده انا مش طيقاه من الضجه اللي معموله عليه

على فكر انتى كلامك جميل يا دى جيه كيه وانا ماكى فيه
انا كان ليا مدرس مسيحى فى المدرسة يا جماعة كنا اوقان بنقول قدامه
صلى على النبى وكان بيقول عليه الصلاة والسلام
كمان كان بيدخل يقول سلاوا عليكم مش السام عليكم
وكان بيرد السلام
يعنى هم ما بيفرقش معاهم الكلم قوى

المسلسل قصته ضعيفه جدا لكن مهند ده متجوز رولا سعد يبقا ازاى اللى انتو بتقولوه ده؟