الولاد دول حاجة صعبة..يووووووووووووه

من طرف miro في الأحد 03 فبراير 2008, 8:21 pm

الولاد دول حاجة صعبة

حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي
*******
لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما

لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة
*******
لو اتناقشتي معاه هيقول عليكي عنيدة
ولو سكتّي هيقول عليكي مخك فاضي
لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي
لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك
*******
لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه
لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة !!!) ده لانّه بيخاف عليكي
*******
لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر
لو انتي حليتي حلو فى الامتحانات يقولك ده حظ
اما هو لو حل حلو يقولك عبقرية وذكـاء
لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟
*******لو قريتي الموضوع ده وبعتّيه لحد من الولاد هيقول مش صحيح
ولو قرتيه ومبعتيهوش هيقول انك انانية
الأحسن انك تقريه وتبعتيه لولاد وبنات برضه عشان يقولوا رأيهم معانا
عشان احنا طبعا ديمقراطيين واللى مش هيعجبوا هيقول بنات آخر زمن مش عاجبهم حد

من طرف **كلمة** في الأحد 03 فبراير 2008, 11:32 pm

اه والله يابنتى عندك حق فى كل حرف
تحياتى......

من طرف EMOTION في الإثنين 04 فبراير 2008, 12:28 am

وانا كمان مع كلمه كل اللى قولتيه صح وموضوع جااااااامد

من طرف miro في الإثنين 04 فبراير 2008, 2:45 am

مرسى على مروركم يا حبيبى انت ياموشن وكلمه

ههههههههههههههههه

يا ساتر يا رب

و انتم ملايكة يعني

من طرف **lovelyking** في الإثنين 04 فبراير 2008, 8:14 am

تخيلي واللهي كل كلمة صح ,, باعتراف مني أهه وعدم انحياز ,, كل حرف صح وبيحصل فعلا,,

ده احنا مخلوقات عجيبة بشكل!!!!!!!!!!

من طرف miro في الإثنين 04 فبراير 2008, 4:45 pm

بشكرك على جراتك واعترافك بانكم مخلوقات عجيبه وميرسى على مرورك plzzzzzzzz

من طرف cinderella في الثلاثاء 05 فبراير 2008, 3:05 pm

والله معاكي حق يا ميرو
ربنا يهديهم ....

من طرف **sabry** في الجمعة 14 مارس 2008, 11:15 pm

يا بت اتهدى ايه اللى انتى بتقوليه ده
ده انتوا اللى مبهديلنا معاكوا
ربنا ع الظالم والمفترى

من طرف anaba7bk في السبت 15 مارس 2008, 3:42 am

ليه يا عسل كده ...........؟
أينعم أنتي بتتكلمي صح
أينعم أن أحنا عيزين .........
بس
أنا مسمحلكيش تتكلمي علينا كده
:<>: ولتكون الحرب بيننا
نلتقي في المعركه

من طرف **omry_amir** في الأحد 16 مارس 2008, 2:09 am

انا سمعت ان فى حد تجراء وبتكلم عننا مييييييييين هناااااااااااااااااك
ايه ده بس احنا كل ده وانتوا ايه مفيش ابيض يا ورد ملايكه نزله من السما ده انتوا لو كتبت فيكم الحبر بتاع القلم حيخلص وانا مش مستعد اجيب واحد تانى بقاله من اعدادى معايا القلم ده
وكما قال الشاعر ابعد عن الشر وغنيه اهو كان بيقصد بالشر هما البنات