مايك سابا باشا

من طرف **black knight** في الخميس 17 أبريل 2008, 2:00 am

مايك سابا باشا

لكــــــل عضو/عضوة .. صوت .. لازم نسمعه ..
وأحنا كلنا أخوات .. هنا ..
من واجبنا .. نسمع بعضنا ..!

* ومن هذا المنطلـــق *

جت فكرة مايك سابا باشا

واللي بيدي الحق للعضو اللي بيتم اختياره
إنه يمتلك المايك لمدة يومين
يقول فيهم أي حاجه نفسه يقولها
وأكيد في حدود قوانين المنتدى

## قــواعــد المــايــك ##

1) للعضـــــــو * صاحب المايك* :
قووول اللي في نفسك .. ( مقال .. خاطرة .. قصيدة .. تعرف بذاتك .. تتكلم عن نفسك وتجاربك )

ولما تخلص المده تكتب " أنا خلصت.. والمايك ليكـم "

2) للأعضاء ..

لما تقروا "أنا خلصت.. والمايك ليكـم "

تقدروا ساعتها بس تردوا
ولمدة يوم واحد بس بعد ما صاحب المايك يخلص

ممكن تقول رأيك في العضو
ممكن تقول ايه هي مكانته بالنسبة للمنتدى وليك
أو أي حاجه تيجي في بالك ناحيته
أو رأيك في الكلام اللي قاله

يعني

العضو اللي معاه المايك ليه يومين
والأعضاء ليهم يوم للرد

بعد اليومين بتوع العضو اللي معاه المايك ويوم الرد هنرشح عضو يمسك المايك
طريقة ترشيحه هتكون عن طريق انه لو خد 5 ترشيحات يبقى من حقه المايك
يعني زي ما تقولو كدة بالاجماع
اي5 اعضاء يستقرو على عضو معين يبقى هو الي معاه المايك

الأسئلـــــــــــــة .. ممنووووووعة منعا باتا ..

ممنوع أي حــد يرد .. على الموضوع .. لحد ما يقول العضو اللي معاه المايك ..

* أنا خلصت.. والمايك ليكـم *..

وبعدها يفتح المجال للأعضاء

وده عشان اللي ماسك المايك يقول كل اللي نفسه يقوله بكل حريه

وخلصت كده
وقولوا رأيكوا بقى فيها
ولو تمام يبقى يلا نختار عضو عشان يمسك المايك

وقووول اللي في نفسك

من طرف **black knight** في الخميس 17 أبريل 2008, 2:07 am

انا برشح تريكا
دة لو الموضوع عجبكو

من طرف **sabry** في الخميس 17 أبريل 2008, 10:59 am

عن نفسى الموضوع حلو وموافق على تريكة

من طرف **_.::TERIKA22::._** في الخميس 17 أبريل 2008, 11:49 pm

موضوع لزيز كالعادة منك يا بلاك

و ان شاء الله ليا عودة مع الردود

و انت يا صبري معاهم معاهم!!!

lol!

من طرف **سمسم باشا** في الجمعة 18 أبريل 2008, 5:47 am

وانا معاهم معاهم

تريكا برده

من طرف **sabry** في الجمعة 18 أبريل 2008, 4:47 pm

ايون انا معاهم معاهم عندك مانع

من طرف **_.::TERIKA22::._** في السبت 19 أبريل 2008, 11:50 pm

معلش اتاخرت شوية عليكم

الموضوع حلو اوي و شرف ليا اني اكون اول واحد فيه

و الأول

هعرفكم بنفسي :
محمد
20 سنة
تجارى انجليزي سابا باشا
سنة تانية

هواياتي:

النت
الكمبيوتر و حل مشاكله
الكورا
شغل الفوتوشوب
القراءة و أحيانا التاليف

بحب الصداقة و أقدرها جدا
اصحابي المقربين بفضلهم علي نفسي في أحيان كتير
منهم في المنتدي

sabry
shitos
lovelyking
Mody Mohsen

و ناخد ريست و نرجع كمان شوية

برب

من طرف **_.::TERIKA22::._** في السبت 19 أبريل 2008, 11:59 pm

من الحاجات اللي ضايقتني الفترة الأخيرة علي المستوي الشخصي
موضوع النتيجة و تاخرها

بجد معاملة سيئة جدا من المسئولين

لكن بنتمني ان تاخرها يكون بفايدة في رفع الدرجات

من طرف **_.::TERIKA22::._** في الأحد 20 أبريل 2008, 12:00 am

و من الحاجات اللي ضايقتني جدا علي المستوي العام

الحملة الشرسة علي الاسلام في كل العالم
و علي النت

و بتمني ان دي تكون الشرارة التي تشعل الغضب الاسلامي و العربي ليقف لهؤلاء الكفرة

من طرف **_.::TERIKA22::._** في الأحد 20 أبريل 2008, 12:45 am

و من الحاجات اللي أسعدتني جدا جدا علي مستوي المنتدي

الأعضاء المحترمين جدا اللي بفخر بمعرفتهم في المنتدي

و بقول ان المنتدي كان سعيد الحظ بوجود أعضاء متميزين جدا جدا جدا في كل النواحي

أدبيا و أخلاقيا و كل النواحي

و بشوف فيهم اللي بيخاف علي دينه

و بشوف فيهم اللي بيحب وطنه

و بشوف فيهم المخلص

و صاحب الاراء

و بشوف ابو دم خفيف

بجد ربنا يخليكوا للمنتدي انتم صحبة عمرها ما تتعوض ابدا

من طرف **_.::TERIKA22::._** في الأحد 20 أبريل 2008, 12:48 am

من طرف **_.::TERIKA22::._** في الأحد 20 أبريل 2008, 12:52 am

* أنا خلصت.. والمايك ليكـم *

flower

من طرف **black knight** في الأحد 20 أبريل 2008, 12:57 pm

مرسي اوي يا محمد على الكلام الجميل دة وياريت نرشح حد
انا برشح
صبري

من طرف **sabry** في الخميس 24 أبريل 2008, 10:17 am

بلاك هو المايك معايا دلوقتى ولا ايه

من طرف **black knight** في الخميس 24 أبريل 2008, 10:21 am

من طرف **sabry** في الجمعة 25 أبريل 2008, 6:39 pm

احم احم
لوك لوك لوك لوك لوك
المايك مش شغال ولا ايه
بوم بوم بوم بوم بوم
المايك اتكسر
لالالا اشتغل اهو
بسم الله الرحمن الرحيم
انا محمد صبرى تجارة عربى سنة تانية تجارة انجليزى سابقا
زعلت اوى لما حولت من تجارة انجليزى وخسرت حاجات كتير قوى
يمكن اهمهم البنت اللى كنت بحبها عموما الظروف فرضت عليا التحويل
بعيد عن السامعين كنت شايل (9) مواد
المهم حولت تجارة عربى فى دمنهور والمشكلة انى تعبان جدا فيها
وباذن الله هحول اسكندرية السنة الجاية ادعولى بس

عودة بعد الفاصل !!

من طرف **sabry** في الجمعة 25 أبريل 2008, 9:32 pm

ورجعنا مرة تانية

لو اتكلمنا عن هواياتى فهى كتير أهمها طبعا كرة القدم بعشق لعب الكورة
الكمبيوتر طبعا والنت ومنتدى سابا باشا بياخد كتير من وقتى من غير ما ازهق والله
بحب قصص المغامرات والاكشن زى ادهم صبرى
بلعب بلاى ستيشن على فكرة كورة ومصارعة بس انا محترف مصارعة
من الاخر اللى بيعرف يلعب مصارعة يقول عشان أقطعه

النادى المفضل ليا هو الاهلى طبعا وعالميا برشلونة
بحب وائل رياض شيتوس لاعب الاهلى السابق وحرس الحدود الحالى
بالنسبة لمجال التمثيل بحب كريم عبد العزيز والسقا واحمد عز
وبحب غادة عادل ومى ونور ومنى ذكى حبيبة تريكة
عالميا بحب انطونيو بيندارس وكاترين زيتا جونز
المغنيين بحب عمرو وتامر عاشور
وهيفاء طبعا واصالة واليسا
وسيلين ديون وبريتنى سبيرز

خنقتكوا معلش
للحديث بقية

من طرف **sabry** في الأحد 27 أبريل 2008, 11:10 am

ورجعنا مرة تانية

لو اتكلمت عن اكتر حاجة فرحتنى فى الفترة السابقة فهى دخول عدد كبير من الناس فى الاسلام
وربنا يزيد ويبارك
اما اكتر حاجة زعلتنى فهى الحالة اللى وصل ليها مجتمعنا الشرقى الاسلامى
وتدهور المستوى الاخلاقى على مستوى البنين والبنات الى ابعد الحدود

اما على المستوى الشخصى فأنا متضايق جدا من كليتى ونفسى احول منها بأى شكل

من طرف **sabry** في الأحد 27 أبريل 2008, 11:20 am

طبعا اصدقائى جزء من حياتى وفى المنتدى ليا حبيب قلبى تريكة وكمان لفلى كينج وشيتوس
انا بحب اصحابى قوى وبحب احكيلهم على اللى جوايا كمان بفرح لما يشركونى معاهم فى مشاكلهم
بحس ان احنا واحد ومفيش فرق بينا
مبحبش ازعل حد فيهم وليا واحد صاحبى عقله صغير شوية وبيزعل منى لاتفه الاسباب
عشان كده انا بقيت اخد بالى معاه فى كل كلمة لانى برضه بحبه ومش عايز ازعله

منتدى سابا باشا كمان اصبح جزء من حياتى بأعضاءه اللى كلهم زى العسل
واحلى حاجة ان فى ترابط اخوى بين جميع الاعضاء وده اللى محلى المنتدى اوى

انا خلصت كلامى

المايك لبلاك

من طرف **كلمة** في الأحد 27 أبريل 2008, 2:20 pm

كلامك حلو يا صبرى جداجدا

يلا يا بلاك مستنيينك يا جميييييييييييييييييييييييل

من طرف **sabry** في الأحد 27 أبريل 2008, 3:39 pm

شكرا على المجاملة الرقيقة يا كلمة ودورك جاى

من طرف **كلمة** في الأحد 27 أبريل 2008, 8:52 pm

لا بجد مش مجاملة

اما دورى

اممممممممممممممممممممممممممممممممممممم

ربنا يستر Sad

مايك سابا باشا

مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

رد: مايك سابا باشا

♥ تغطية مميزة لجميع الأحداث الكروية 2009 ♥

الكرة المصرية

الكرة الأفريقية

الكرة الأوروبية

English Premier League

La Liga

UEFA Champions League