البوم الذكريات

من طرف **sabry** في السبت 05 أبريل 2008, 12:42 pm

بسم الله الرحمن الرحيم

نحن جميعا لسنا من المعتمدين على الذكريات وتجاهل ما هو أت

ولكننا اثناء خوض معارك الحياة التى لا تنتهى نحتاج احيانا للهدوء والراحة

فنسترخى قليلا ونعود بالزمن الى الوراء فنجد ابتسامة عريضة قد علت شفاهنا

وتظل هذه الابتسامة موجودة ولا تزول الا بالرجوع الى مضمار الحياةالصعب من جديد

ما تيجى نرجع مع بعض بالزمن لورا ونفتكر ايام الطفولة الجميلة وذكريات الايام الحلوة

ايام الابتدائى كانت احلى ايام الطفولة عامة

ماتيجى نطلع اللى جوانا مع بعض

مش محتاجين اننا نكتب ذكرياتنا كلها مرة واحدة

ده البوم الذكريات

ادخل واكتب كل الذكريات اللى بتحب تحكيها لاصحابك

كل اما تفتكر حاجة ادخل اكتبها

عشان نضحك مع بعض ونفتكر ايام زمان من تانى

فى

البوم الذكريات

من طرف **black knight** في السبت 05 أبريل 2008, 2:05 pm

انا فاكر وانا صغير لما كنا انا وعليتنا في المصيف
ولحد دلوقتي بيغظوني بالكلمة دي
كان عندي 7 سنين
كنا يوم على البحر فقلت
البحر جميل اوي النهاردة
العوامة دي احسن من العوامة دي

من طرف **sabry** في السبت 05 أبريل 2008, 2:37 pm

ههههههههههههههههه
مرة وانا صغير كان فى واحد صاحبى اكبر منى بسنتين بيغلس عليا
راح جابلى حتة خشبة صغيرة وراح جاى مديهالى فرمتها فراح يجيبها واديهالى تانى
وعلى كده كذا مرة اخر ما زهقت منه رحت ماسك الخشبة وضربته بيها على دماغه وطلعت اجرى
طلع يجرى ورايا بس الحمد لله كنت قريب من المحل بتاعنا وكان ابويا فى المحل
رحت داخل بسرعة فى المحل وبكده هربت منه
المشكلة ان فى نفس اليوم وانا مروح انا واخويا سمعت صوت دبة رجل بتجرى ورايا وبتقرب منى
ولقيت مرة واحدة شلوت شديد
انا خدت الشلوت وبصيت لاخويا واخويا بصلى وبعدين كملنا مشى ولا كأن حاجة حصلت

من طرف **black knight** في السبت 05 أبريل 2008, 2:39 pm

هههههههههههههههههههههههههههههه
قولي هوا مين وانا اديه على قفاه

من طرف **sabry** في الأحد 06 أبريل 2008, 9:49 am

خلاص باه احنا كبرنا وبقينا حبايب ولما بنشوف بعض بنسلم على بعض
ولا كأن حاجة حصلت

من طرف **سمسم باشا** في الأحد 06 أبريل 2008, 10:24 am

ههههههههههههههههههههههههههههههههههههههههههههههههههههههههههههههههههه

موتنى من الضحك يخربيتك

ولا كأن حاجه حصلت

طب انا هحكيلكم على حكاية حصلتلى بس بعد الفاصل

استنونى

أوعى ايدك من الريموت الكنتروووووول

من طرف **سمسم باشا** في الأحد 06 أبريل 2008, 10:41 am

بص يا سيدى

انا كنت ماشى قبل كده انا وأخويا واحنا صغيرين فكنا فى رمضان وماشى فى الشارع معايا مسدس خرز والمشكله انه مكانش فيه خرز أصلا

فجأة لاقيت اتنين شباب ثبتونى وكانوا عايزين ياخدوا المسدس وطلعولى قصافه

وانا عمال اعيييييييييييييط

وأخويا واقف من بعيد بيعيييط

وفجأه أخويا لقاهم بيقولوله تعالى هنا ياااااد

قام دور وشه ومشى ولا كأنه يعرفنى

وأنا أخدت علقه اليوووووم ده

لغاية ما صعبت عليهم

بس الحمد لله مأخدوش المسدس

من طرف **black knight** في الأحد 06 أبريل 2008, 1:20 pm

الحمد للة
المهم المسدس

من طرف **sabry** في الأحد 06 أبريل 2008, 11:07 pm

ههههههههههههههههههههههههههههههههههههههههه
الظاهر ان الندالة فى اخواتنا كلهم يا سمسم
وبمناسبة الاخوات كنت مرة انا واخويا بنهزر مع بعض رحت رشيت عليه ميه من الحنفية
راح ماسك كباية ميه ورزعها فى وشى انا وقتها اتنطط رحت ماسك جردل باستيك وماليه ميه من الحام
وطلعتله بيه فى الصالة هو شاف الجردل راح جارى عليا بسرعة وماسك الجردل عشان مرشش الميه عليه
انا بصراحة لقيت انى لومرشتش ميه الجردل عليه حقى هيروح وانا ما اقبلش ان حقى يروح
احنا الاتنين كنا ماسكين الجردل وبنشدوه من بعض رحت جاى قالب الجردل فوقينا احنا الاتنين
ويوميها اتغرقنا انا وهو ومتنا على نفسنا من الضحك

من طرف **black knight** في الأحد 06 أبريل 2008, 11:11 pm

انا بقى كل اخواتي اصغر مني محدش يقدر يبق معايا
المهم
كنا بنلعب بكورة بلاستيك في الصالون
وانا بقى عامل فيها بيكهام ورحت رافع رفعة لقيتلك اللمض اللي في النجفة اتكسرت رحت ملبسها في اخويا
و خد علقة ساعتها
المهم انة بعد ماخد العلقة رحت جبتلة بخمسة جنية حلويات عشان ما يفتنش عليا

هههههههههههههههههههههههههه

ايه يا جماعه اللى بيحصل دددددددده

صحيح هوا مفيش حد غيرنا بيفضح لنفسه هنا ولا ايه

مفيش ليه حد بيدخل kda?

من طرف **كلمة** في الإثنين 07 أبريل 2008, 11:42 pm

هندخل نقول ايه يا سمسم
دا اتنوا حكاية لوحدكم
ههههههههههههههههههههههههههههههههه

من طرف **sabry** في الثلاثاء 08 أبريل 2008, 9:49 am

لا يا كلمة مش هينفع تدخلى تشوفى فضايحنا من غير ما تفضحى نفسك
عايزين نضحك عليكى شوية
طيب انا هحكيلكوا لما كنت فى الابتدائى كان عندنا فى المدرسة اوضة للكمبيوتر
كانت اوقات فى مدرسة بتيجى تاخد فصلنا وتنزلنا نقعد فى الاوضة
وكنا بنفرح اوى لما ننزل اوضة الكمبيوتر
المهم مرة نزلنا اوضة الكمبيوتر وكل الفص قاعد فى الاوضة
ومرة واحدة لقين واحد معانا من الفصل كان بره وراح جاى دخل علينا الاوضة مرة واحدة
الولا ده بصراحة كان متخلف حبتين المهم الولا اول ما دخل وشافنا قاعدين على الكمبيوتر
قال الله ايه التليفزيون الحلو ده
بوم بوم بوم
اه والله الولا لسه مكملش الكلمة ولقينا الكمبيوتر فرقع
المدرسة وقتها اتنرفزت اوى وقعدت تهزئ الولا وحلفت على فصلنا انه مش هينزل
الكمبيوتر تانى وفعلا قضينا بقيت عمرنا فى الابتدائى ما ننزلش اوضة الكمبيوتر

هههههههههههههههههههههههههههههههههه بقى كده يا كلمة
ماشى ماشى

والله عندها حق المدرسة دى يا صبرى

دى كده بتحافظ على ميزانية الدولة

من طرف **black knight** في الثلاثاء 08 أبريل 2008, 4:12 pm

ههههههههههههههههههههههههههههههههه
انا بقى كنت في الجامعة مرة ومقلكوش علي حصل
اتنين بنات مسكو في خناق بعض
والله ولا كانهم مصارعين
واي حد يجي يدخل ياخلة شلوط ولا قلم ولا بنية
المهم كان الكل قاعد بيصور و يتفرج ولا حد راضي يدخل
والبت راحت اديت البت التاني نص ووقعتها في الارض ومقلكوش بنيات لحد والله ما بقى وش البت بينزل دم و في الاخر جم الحرس و شالوهم عن بعض
بس كان منظر
والله انا لما بتخانق ما بعملش كدة

الموضوع ده كان اتكرر فعلا قبل كده بس فى اسكندرية فى المجمع

بس فى الحقيقة منظر زى ده
يخلى الواحد يبكى على الأخلاق والدين اللى إتهملوا

من طرف **sabry** في الأربعاء 09 أبريل 2008, 8:57 am

على فكرة كان فى حاجة زى كده حصلت فى سابا باشا بس بره الكلية
كانوا بنات من السلاملك وما ادراك ما السلاملك
فى اليوم ده انا سمعت شتايم تقيلة اوى
شتايم تتدرس

من طرف **black knight** في الخميس 10 أبريل 2008, 8:24 pm

الموقف دة حصل معايا النهاردة

الساعة صباحا 5.
الموبيل بتاعي رن وكنت نايم
رقم غريب
رديت
رد عليا واحد صعيد
قالي سلام عليكم
قلتلة وعليكم السلام
قالي هوا دة رقم موبيل
قلتلة اه
قالة طب مع السلامة
وراح قافل

من طرف **sabry** في الخميس 10 أبريل 2008, 11:30 pm

هههههههههههههههه
صعيدى صعيدى يعنى
انت فكرتنى بواحد صعيدى اتصل على موبايل واحد صاحبى وقاله ان النمرة دى بتاعته
فصاحبى قاله ازاى يا عم دى نمرتى فالصعيدى قاله لا دى نمرتى انا فصاحبى قفل السكة
الصعيدى قعد يزاول فى صاحبى ويرن عليه كل شويه وصاحبى ما يردش
فى مرة كنت معاه وحكى ليا على الحوار والصعيدى رن وقتها فقلتله هات اما اراد عليه
رديت عليه قول ما قال الو قلتله ايوه لوسمحت الرقم بتاع التليفون بتاعك ده رقمى انا انت جبته ازاى
فالراجل سكت شوية وبعدين قالى ازاى ده الرقم بتاعك هو اللى رقمى
قلتله اه اكيد حصل تبادل بين نمرتى ونمرتك وبعدين هنعمل ايه
وبعدين قلتله خلاص يا حج حصل خير ما تخدش ف بالك
الراجل شك فى نفسه يا عينى واتأسفلى
صعيدى صعيدى يعنى

انا مرةكنت صغير اخويا الاصغر منى شفنى وابا كنت بلعب اتارى ماكنش فى بلاى ستيشن المهم اول ماشفنى وانا على باب المحل قلى هقول لماما بصوت عالى وراح جارى طبعا انا حيرات وراة واتحيلت علية وطبعا اصر على موقفة والحمد للة راح قلهم ومحكلكوش على الباقى ابويا ايدة تقيلةاخويا الى هو صبرى عضو المنتدى

من طرف **sabry** في الثلاثاء 29 أبريل 2008, 10:46 am

اه ده انت جاى تسيحلى بقى
طيب انا مرة كنت بتعارك انا والاستاذ بهزار يعنى فمسكت رجلة وعملتله فنش كيرت انجل المصارع
وهو وقتها قعد يصوت ويقول الحقونى وقعد يقول الحقينى يا .....
ولا بلاش كفاية فضايح

من طرف **_.::TERIKA22::._** في الأحد 08 يونيو 2008, 12:49 am

الله يمسيك بالخير يا صبري

عارف لو يا واد

لو حاولت افتكر ذكريات حلوة

مش هلاقي احلي من قعدتنا انا و انت و حماده

و الله يا واد ايام مش هتتعوض

خصوصا قفشات حماده

و هحكيلكوا علي موقف جامد بعد كوباية الشاي